راجع نفسك بقلم / اشرف عبوده

راجع نفسك

بقلم / اشرف عبوده

 

 

** أحيانًا الواحد بيبقى في عرض كلمة حلوة تهوّن عليه قسوة الدُنيا وسحلة الروتين ومرمطة اليوم، الكلام الحلو بيشحن الروح وبيجدد الطاقة، مُكالمة لمُدة دقيقتين تلاتة مع شخصك المُفضل تسمع فيها دفا صوته كفيلة إنها ترُد فيك الروح، كلمة حلوة من أهلك قادرة تضاعف عزيمتك، شوية ضحك مع صُحابك بيفتحو نفسك على الدُنيا، التفاصيل البسيطة دي حقيقي لها مفعول السحر علينا وبتصنع الفارق في يومنا.

 

** لا يستطيع اى أحد أن يعيش بسلام فى هذه الحياة إلى اذا كان يتقن فضيلة ،الصبر ،والصمت ،والتجاهل.. نحنُ في أمس الحاجة لحدوث أمرٍ مُفاجيء غير مُخطط له يُحسن من حالتنا المزاجية، أمر يُعيد إستقرارنا النفسي ويكسر حالة الإحباط العام والروتين المُكرر والمُزعج، نحنُ في أمس الحاجة لفرحة حتى ولو كانت مؤقتة .. كُل ما نُريده أن تنتعش روحنا من جديد ونشعُر بأننا على قيد الحياة.

 

** لعلك تحاول الوصول لها.. وقد لا تصل.. فاعلم انك ستجد في النهاية أروع مما كنت تحلم به.. شخص عزيز.. وفي.. بئر لكل أسرارك.. لتبني معه أقوى جسر لا تهدمه الرياح مهما كانت قوتها ستجد في النهاية.. شخص يعينك.. يبكي لبكاءك.. يمسح دموعك.. أخ يساندك.. يعاونك.. يحبك أكثر من نفسك.

 

** في ناس مهما تعمل عشانها هيفضل رصيدك صفر عندهم؛ يعني لو عملت عشانهم 9 حاجات حلوة وحاجة واحدة بس وحشة هيحاسبوك على الحاجة الوحشة دي وينسوا كل الحلو اللي إنت عملته! هو دا طبعهم وهي دي سياستهم في المُعاملة، وللأسف التعامل مع النوع دا من الناس بيخنُق ويقصّر العُمر .. فإدعوا ربنا يبعدنا عن الشخصيات الناكرة دي ويحمينا من شرهم.

 

** مش معنى إن أمورك ماشيه تمام يبقى مش هتتحاسب على أذيّتك وظُلمك للناس اللي مرّت في حياتك، كُل ما في الأمر إن يومك لسه ما جاش، لكن الأكيد إن هييجي يوم تترد فيه كُل المظالم واللي دوّق غيره المُر هيدوق نفس المرارة ومن نفس الكأس، كُله متسجل ومكتوب .. وعند الله تجتمع الخصوم.

 

** إقعُد مع نفسك وتتبَّع سلوكك وشخصيتك زمان ودلوقتي، دماغك زمان ودلوقتي، أفكارك زمان ودلوقتي، هتلاقي إن في تغيُّر مُستمر للأحسن والأفضل ودا إنجاز يستحق الفخر، إنتَ كُل يوم في تطوّر ونُضج، فخليك فخور برحلتك من المُراهقة للنُضج ومن السطحية للعُمق .. وما تلومش نفسك على أخطاء زمان لإن لولا جهل وطيبة زمان ما كنش هيبقى في شخص واعي وناضج دلوقتي. مش مُهم كُنت إيه الأهم بقيت إيه.

 

** زي ما في حاجات بتشتريها بالفلوس في حاجات كمان مُمكن تريّحك في حياتك وتقدر تشتريها بس مش بالفلوس بحاجات تانية؛ زي إنّك مُمكن تشتري راحتك بالتجاهُل، تشتري سلامك النفسي بالبُعد عن أي حد بيأذيك، تشتري خاطرك بإنك ما تتعشمش في حد أزيد من اللازم، تشتري أخرتك بالقُرب من ربنا، حاجات كتير تقدر تشتريها وساعتها حياتك هتتغيّر 180 درجة .. لو عايز فالقرار ليك.

 

** ومهما كانت المواقف الصعبة أو الذكريات المؤلمة والشخصيات المسيئة .التى احزنتك .الله قادر على علاج كل ذلك بنفحة منه عليك فقط عليك باللجوء إليه فى كل امورك …‏فكل باب وإن طالت مغالقه.يوما له من جميل الصبر مفتاح..كم من كروب ظننا لا انفراج لها..حتى رأينا جليل الهم ينزاح.

 

اللهم إنا نسألك صبراً جميلاً، وفرجاً قريباً، وقولاً صادقاً وأجراً عظيماً .. ونسألك من الخير كله ما علمنا منه وما لم نعلم يا خير من سئل وأجود من أعطى…