قصيدة بعنوان “بنت هشه” بقلم / هدير عادل

قصيدة بعنوان “بنت هشه”
بقلم / هديرعادل

 

جواكى مخزون م البكا خايف ليظهر تنطفى ….

لو حد سألك فيكي ايه..!

هتخافى انك تحلفى ….
ف تلاقى نفسك تضحكى …

وتحولى الجد ل هزار..

جواكى نار..

غاويه المكابره والوجع..

قلبك جدع..

عايش يداري ف كسرته..
دهالحزن معلم علي خدك..

والكحل أهو سايل من عينك..

والضحكه خلاص فارقت وشك..

كل المخاليق غاويه تغشك..
كل المخاليق غاويين تزييف..

والروح بتأن..

ف القلب نزيف..

عمال بيزيد..
علامات بتبان تجاعيد ع الوش..

وتزود ف العمر الفعلي..

والناتج كان اصلا جهلي..

بطبيعة الناس وبتفكيرهم..
ما انا كنت سعيد انا من غيرهم..

ومأقلم نفسي ع الوحدة..
ومأقلم قلبي ع فراقهم…

ده القلب خلاص بقي متلزق..

من كتر الكسر..

وبيلعن ديما ف النصر..

وبيرفع رايته المكسورة..
ف ارزقنا يارب بناس ديما تجبر ب ارواحنا المكسورة