انتباه وتعظيم سلام … بقلم / محمد هارون

انتباه وتعظيم سلام
بقلم / محمد هارون

 

 

انتباه لها معانى كثيرة فى اللغة والمعنى ان تقف بانضباط واحترام … وانتبه لما سوف يصدر لك من تعليمات … وانتبه لما يدور حولك من شائعات … فمن هذه المعانى وجب ان نقول انتباه وتعظيم سلام من غير كلام لشعب مصر العظيم… الذى تحمل كثيرا من المصاعب والضغوط للنهوض بمصر … ولجيشها العظيم وشرطتها جناحى الامان للوطن والذين تحملوا امانة الحفاظ عليه وسقط منهم شهداء من خيرة سبابهم …

تعظيم سلام … لابن مصر الجسور الذى يخطط بقدرة واقتدار للتتبوء مصر مكانتها اللائقة … بين الامم .

تعظيم سلام من غير كلام  لكل خير جاى للبلد ولو انت شاطر فى الحساب احسب معايا المسألة كم من المساكن والمدن الجديدة شيدت …وطرق كثيرا اتبدلت وانفاق كثير لاجل نربط شرقها بغربها … والثورة خلصت من زمان بس فى ثورة بناء وتنمية … ثورة جبابرة شغالين يصلحوا جوه البلد كبارى عالية معلقة وخطوط لمترو تجيب ولادنا من اخر البلد العجلة دايرة فى المصانع والمناطق الجديدة وشرق التفريعة والروبيكى والمحاور الجديدة لشبكة الطرق الاستيراتيجية

يامصرى ياابن بلدى … اتحملوا … كمان شوية طبعا انت عاوز تقولى ياعم الاسعار نار .. والغلاء مولع الدنيا … والمرتب مش مكفى بس والله  لو تشوف بعنيك اللى اتعمل فى خمس سنين

تعرف اد ايه قيمة البلد … النظرة ثاقبة والرؤيا واضحة والبعاد ولاد ال…….. مش سيبنا نمشى بسرعته بس لازم نكمل المشوار … يااهلنا سدو المسامع عن الكلام الى داير فى الشوارع والقهاوى وقفوا وقفة مرجله …

عرفوا الجبناء ان مصر وشعبها مفتحين ومفنجلين عيونهم على اللى عاوزين تعملوه جوه البلد … اياك تفكر يوم ان هيكون لكم تاثير على ولاد البلد سبها وامشى بس هتعرف انك مش هترجع تانى مره لاجل تدخل البلد .

وبنحبها زى ما هى كده …ربك ذكرها فى قرانه وقال (ادخلوها بسلام امنين)

هتخربوا فى ايه … خاب ظنكم وفشل مقصدكم ومصر هتفضل طول عمرها كده نحمى الاشقاء وتدافع وتقف وتكافح عشان ولادها الشغالين رئيسنا امن حياتهم بوثيقة غالية للجميع … خايف عليهم من المرض علشان كده امن لهم .

بس اصبروا … والصبر مفتاح الفرج  وخلوا بالكم من االبلد… يا مصر يا ام الدنيا هواكى جوه فى دمنا … لافى يوم زعلنا ولا انقسمنا ياما حاولوا يفرقوا ويولعوا نار الفتنة بقول لهم … ونقولنا … بس اصبروا علشان نفشل فكرهم … احسن ما نبقى زى غيرنا شاعت بلادهم واتشتتوا اياك تفكر ان الامور فى مصر هايصه لا يا صاحبى كل شىء معمول حسابه بالميزان واصبر يا مصرى واطلع طريق العلمين الضبعة وانت قلبك ينشرح … وشوف ولادنا ايه اللى عملوه فى الصحارى وعنيك تقول واللى ما بيشوف خليك مغمى عنيك لما حقدك يقتلك واخر كلامنا لدعاة الشر واعداء البلد… يا يهديكم… يا يخدكم

ونقول لكم يااهلنا بس اصبروا وتحيا مصر وشعبها – تحيا مصر وشعبها .