Anbaa Aldelta انباء الدلتا
الكاتب الصحفى
عاطف دعبس يكتب عن
“استثمارات الغربية المعطلة -اكشاك- محلات- أبراج”
- • اقاموها وإستخسروها فى الناس!! أتحدث هنا عن الأكشاك التى أقامتها محافظة الغربية بجوار سور مسجد السيد البدوى بطنطا،، المهجورة منذ إقامتها!
طمعوا فى المزاد الذى أعدوه لتأجيرها. رغم التنافس فيه وبأعلى من السعر المقرر سلفا،،
كشك ايجار 3 متر فى 3 متر،، ولمدة محدده وعاوزين فيه الوف الجنيهات،، على أساس إنه هيكسب ملايين يعنى؟؟
كل يوم بيفوت والأكشاك دى -خيال مأته- هو إهدار للمال العام وفشل فى إدارة وإستثمار الأكشاك
وهذا شاب وغيره كتير تقدم بطلب للحصول على كشك وبالمزاد ودفع مقدم 160 الف جنيه، إقترضهم من البنك
ولم يفز بالكشك هنا أو هنا والبنك يهدده بالسجن
هو كده عادى؟؟
ودايخ يرجع فلوسة وبيماطلوه!!
- • عندنا أيضا أبراج عبد المنعم رياض التى بنيت من 9 سنوات تقريبا، بجوار نجدة ومطافى طنطا،، كلها وحدات سكنية خاوية بإستثناء طابقين تم بيعهما مؤخرا للنيابة الإدارية، وجميع الطوابق خاوية ويحتلها التراب بسبب المغالاة فى السعر!
- • ومحلات الإستاد،، حوالى 100 محل فى أرقى منطقة الأن،، موقوف حالها بسبب الطمع!! والجشع،،
المحافظة عاملة نفسها تاجر شاطر لكنها فى الحقيقة لا تعرف أصول التجارة ولا فن الإستثمار،
- • نفسى أحسب الحسبة – وبأقل سعر – وأعرف المال الكتير اللى راح على المحافظة لو كانت وزعت الأكشاك وفق أخر مزاد؟
ولا خصصت محلات الإستاد لمن تقدم ودفع العربون فعلا،، كان العائد هيكون كام؟؟ ولا شقق عمارات النجدة، رغم حاجة المواطنين والشباب لها؟
ومن يعوضنا عن الخسارة دى؟! كونها -خيال مأتة- حتى اللحظة فدى خسارة وتراخى وإهمال! وليس حرص على حماية الاملاك أبدا أبدا!! والسعى لتحقيق أفضل عائد!!
- • العائد المناسب هو الذى يحقق المكسب والخير للجميع ولو كان المقابل عالى غالى وفوق الإحتمال والطاقة،، هيكون على حساب الناس ودى مش رسالتك كمحافظة!
انت مفروض تسهل وترخص حتى يكون النتيجة سهله ومتاحة للجميع! وتحقق الوفرة والخير للجميع
- • إستثمار معطل يعنى خيبة تقيلة وحساب خائب ومؤجل وتقريبا عادى !! معطل عادى ومفيش حساب ولا الكلام ده
وكم فيك ياغربية مضحكات ولكنه فى الحقيقة بكاء وأسف!!
فيه شعار يقولك بيع رخيص تبيع كتير وتكسب أكتر،، لكن للأسف حتى الأمثال غابت عن تفكيرهم
فماذا لو تم التخصيص وماذا لو ثقل صندوقك بالمال من تلك العوائد ؟؟ وكم من خدمات كانت ستقدم للمدينة وللناس من تلك الأموال؟
حاجة تحرق الدم والله
- • ويا مسهل
