Anbaa Aldelta انباء الدلتا
عيشة مرار..
بقلم – وفاء غباشى
العيشة بقت نار
وحياتنا بقت رخيصة
ملهاش قيمة ومقدار
ناس بتكح تراب استرها ياستار
عايشين عيشة سواد
صعب علينا الخضار تقوله ليه غليته
يقولك غلي الدولار!!
ناس ياعيني معدومة
من الفقر مصدومة
ومن أبسط حقوقها
ضايعة منها و محرومة
وناس تاكل زبالة
ما فارقة معاه عفونه
متشردة وفي حياتها
مقهورة وملعونة
وناس غناها فاحش!!
أكلها رومي وكافيار
أسعار كل يوم في زيادة
وما كانت دى العادة
أسعار نار قايدة
ومفيش فيها فايدة
ماحد عارف يشتري فراخ
ولا لحمة ولاحتى خضار
يا نهار يانهار يا نهار. غلبنا من دى اسعار
الفقير راحت عليه
وحقه مهضوم
مش عارف يتغدى
حتى بطل عشا وفطار
ليه يادنيا اتغيرتي
كان الخير بالقنطار
دى حقيقة ومش هزار
البركة راحت فين
والكل فيكي محتار..
رواتب زى عدمها
وحكومة ف العسل نايمة
وقراراتها مايعة وعايمة
هتروحوا فين من ربكم
يا أهل القرار.
………………….
