Anbaa Aldelta انباء الدلتا
الكاتب الصحفى عاطف دعبس يكتب عن
” شير فى الخير ..
ومتخليش هاكر قذر يضحك عليك”
- • بلاش عبط وتخلى هاكر قذر يسرق صفحتك، على الفيس بوك، هتبدأ الحكاية من صديق سبق وإنضحك عليه بنفس الطريقة، وهيبعت على الماسنجر الخاص بك من -صفحته المسروقه- بالفعل، ليطلب منك وبسرعة – تغفلك – رقم تليفونك والكود اللى هيوصلك عليه، وفى ثانية صفحتك تروح! إحذر
- • وعلى فكرة الصديق اللى بعت لك هو سبق واتسرقت صفحته بنفس الطريقة والهاكر استخدم صفحته ليطلب منك رقم تليفونك والكود اللى هيوصلك علشان يسرقك انت كمان و- الكود – ده هو السر والخطر
- • وهكذا من صديق مسروق لأخر تحت السرقة وياعالم بقه هيستخدمها ازاى ويعمل بها بلاوى وكوارث وهوه وحظه بقه من الاسرار اللى هيعرفها لما صفحتك تبقى تحت سيطرته
- • حصلت كتير وصفحات ضاعت ولسه بتحصل وفيه أصدقاء كتير انسرقت صفحتهم بنفس الطريقة،، وفيه اللى بيتغفل لان اللى بعت له حد مهم له وقريبه وممكن يكون أخوه
او حد محصلش له الموقف ده قبل كده وبيضطر يستجيب – قال يعنى بيخدم قريبه- وحتى لو فكر شوية وحاول يتصل به ممكن ميعرفش يوصله فى الوقت المناسب وتتسرق صفحته بذات نفس لحظة ارسالة للكود
- • هو فيه حد عاقل يبعت رقم سرى خاص به وجاله على تليفونه الشخصى، لحد تانى مهما كان مين؟ ده ممكن حياتك كلها وحسابات فى البنك، تروح وتدمر فى ثانيه وكل اسرارك تبقى فى ذمة حرامى وهاكر قذر
- • وياريت الجميع يمسح اى شات فيه اسرار بعد الشير فورا حتى لا يبقى فيه ما يضره ويستغل ضده، يعنى اللى بيحب واللى شتم رئيسه واللى قال معلومات خاصة على شغله ولا ولا؟!
- • فيه رجال دفعوا وستات رضخن جسديا وماليا،، بسبب اسرارهن على الماسنجر،، والدنيا مليانه بلاوى ومشاكل وأسرار،،
- • هذه مقالة فى الخير وياريت نخلى بالنا وننصح غيرنا لان الهاكر ده كأس وداير وأنت لا تعرف أسرارك اللى عند غيرك ممكن تستخدم كيف وإزاى! فحتى لو كنت أنت ناصح ولئيم، ممكن الطرف التانى يكون عبيط! إنصح صديقك حتى لا يسرق هو ويضيعك أنت بسرك اللى معاه
- • ويا مسهل
